Eguenean, goizeko 09:00etan, aktibatu zuen Getxoko Udalak alerta laranja euri-jasa handiengatik, eta gaur arrastiko 15:00ak arte egongo da aktibatuta. Zaparraden ondorioz, Gobela ibaiaren ur-emaria kritikoki handitzen joan zen atzo eguerdian, eta maximoa 16:30ak aldera jazo zen, 2,13 metroko altueragaz -joan den azaroaren 29an, antzeko alerta zegoenean, ur-emariak 2,16 metroko altuera izan zuen-; ordutik, euriteak baretzen hasi ziren eta, ondorioz, arroaren ibilgua lehengoratzen hasi da. Orduotan, 09:00etan, Euskalmet Euskal Meteorologia Agentziaren behaketa-estazioaren datuen arabera, ur-maila 1,06 metrokoa da Larrañazubiko estazioan.
Larrañazubi errekak gainezka egin du puntu batzuetan, baina egonkor mantentzen ari da. Larrialdi-zerbitzuak 20:46an izango den itsasgoran zer gertatuko den zain daude. #Getxo pic.twitter.com/IIQIfDHSJf
— Hiruka (@HirukaEus) December 9, 2021