Pertsona boluntarioei beren zeregina eta Sarekideri gala antolatzea eskertu ondoren, Amaia Agirre alkateak nabarmendu zuenez, “ekintza boluntarioa lasaitasun-garaietan ere garrantzitsua da, helburua herritarrak inplikatzea eta parte hartzea baita, guztion artean bizi nahi dugun mundua eraikitzeko. Getxo udalerri solidarioa dela esaten dut behin eta berriro, eta Udaletik, gizarte-erakundeekin lankidetzan, egin dugun ibilbidea oso ona da, eta garrantzitsuena da lan horrek benetako eragina duela premia handiena duten pertsonengan”.
Ibilki
Ibilki 2015ean sortu zen, nahiz eta 2007an hasi zen lanean, eta inklusioa lantzen du ingurune naturaleko kultura-jardueren bidez, batez ere mendi-ibilien bidez, hainbat arlotan, hala nola desgaitasuna duten pertsonak, immigrazioa, errefuxiatuak, gizarte-bazterketa, euskararen sustapena, kultura-aniztasuna, inklusioa eta nazioarteko lankidetzarekin. Sarean lan egiten du beste elkarte batzuekin, emakume migratuak eta desgaitasuna duten pertsonak ahalduntzeko tailerrak egiten ditu, eta 40 boluntario ditu, horietatik 20 Getxokoak.
Kepa Erauzkin
Kepa Erauzkin elkarte-mugimenduari lotuta dago, Aspace Bizkaiaren jardueretan borondatez parte hartuz. Horretara garun-paralisia duen semearen beharrengatik iritsi zen. Zuzendaritza Batzordetik eta lehendakaritzatik igaro ondoren, gaur egun boluntario gisa jarraitzen du lanean, desgaitasunaren integrazioaren eta normalizazioaren alde eta desgaitasunen bat duten pertsonek beren ingurunean parte hartzearen alde, eta aldi berean, gizarte-aldaketa sustatzen.