Aurreko urteetan bezala, maskotak jendaurrean erakutsiko dituzte hiru egunez udalerriko hiru tokitan adopzioan emateko: astelehenean, urtarrilak 3, Algortako San Nikolas plazan; martitzenean, urtarrilak 4, Itzubaltzeta/Romoko Santa Eugenia plazan; eta eguaztenean, urtarrilak 5, Areetako Xake plazan. Ordutegia 10:00etatik 14:00etara izango da hiru egunetan.
Aldi berean, Udalak kartel bat prestatu du, non Getxon jasotako txakur eta katu guztiak ikusten diren, bakoitzari dagozkion izena, adina, arraza eta izaerari buruzko datuakaz. Ia guztiak lagunkoiak dira, zerbitzuan emandako kalifikazioaren arabera.
Kartelean gomendio bat ere jasotzen da, hain zuzen ere, kalean txakur bat aurkituz gero zer egin jakiteko: etxera ez eraman eta Udaltzaingora (94 466 02 02) edo Ingurumen Arlora (94 466 01 91) deitzea gomendatzen da. Etxe-abereak jasotzeko zerbitzuak hartuko du animalia identifikatu eta bere jabea aurkitzeko ardura.