Ekainaren 2tik 26ra bitartean izango da 2022ko Getxophoto jaialdia

Getxophotok ekainera aurreratuko du jaialdia eta, oraingoan ere, artistentzako bere bosgarren Nazioarteko Open Call-a zabaldu du. Gaia "Imajinatu" izango da, eta datorren urtarrilaren 10era arte eman ahal izango da izena egitasmo horretan.

Bosgarren urtez jarraian, Getxophotok mundu osoko artista bisualak deitu ditu Jaialdiaren hamaseigarren edizioaren gaiari buruz duten ikuspegia ematera; "Imajinatu" izango da gaia.

Jaialdiak sortzaileak deialdi honetan parte hartzera animatzen ditu, argazkigintza, bideoa, instalazioa, performancea, ekintzak, arte digitala edo ikusizko beste edozein adierazpide jorratzen duten proposamenakaz.

Marina Paulenka (komisario independentea, Kroazia), Thyago Nogueira (Instituto Moreira Salles, Brasil), Jon Uriarte (The Photographers’ Gallery, Londres) eta Damarice Amaok (Centre Pompidou, Paris) osatzen duten nazioarteko epaimahaiak hiru lan irabazle aukeratuko ditu. Lan horiek Getxophotoren hurrengo edizioan erakutsiko dituzte.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun