Ereaga hondartza garbitzeko deialdia egin dute domekarako

© OLA SIN PLÁSTICO

Datorren domekan, hilaren 16an, Getxoko Ereaga hondartza garbitzen lagunduko duten boluntarioak bilatzen ari da Ola Sin Plástico elkartea. 10:00etatik 12:00etarako hitzordua jarri dute, Igeretxe hotelaren ondoan dagoen sarbidean. Elkarteak azaldu duenez, bera arduratuko da beharrezko materiala eramateaz, hala nola poltsak eta eskularruak.

Egunotako denboraleen eraginez, zaborrez beteta aurkitu daitezke gure inguruko hondartzak garaiotan. Horren adibide gisa Ereaga hondartza jarri du Ola Sin Plástico elkarte ekologistak. Hori dela eta, hareatzetatik plastikoak kentzeko asmoz, deialdi solidarioa egin dute domeka honetarako, hilaren 16rako. Eguerdiko 10:00etatik 12:00etara jarri dute hitzordua, eta interesa dutenek izena eman ahal izango dute garbiketa horretan parte hartzeko olasinplastico@gmail.com helbide elektronikora idatzita.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun