Datorren urtarrilaren 20an, eguenean, izango da Skolastika Feminismo Mintegiaren hirugarren saioa Romo Kultur Etxean, Emakumeentzako Jabekuntza Eskolak antolatuta. Horretan, saioaren izenburua "Nork die beldurra sorginei" izango da, Josune Muñoz filologo eta ikertzailearen eskutik.
Solasaldian sorgin-ehizari lotutako arrazoi politiko eta ekonomikoak, beren ondorioak eta legatua aztertuko dituzte, baita gaur egun sortzen duen interesa ere. Horretarako, hizlariak Durangoko XVI. mendeko emakumeen jazarpena eta erreketa aipatuko du.
18:00etan hasiko den solasaldirako sarrera irekia izango da, tokia bete arte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
