Berbalagunak egitasmoaren berri emateko asmoz, MintzaPoza tonbola egingo dute Euskal Herriko txoko askotan. Egunotan Getxoren txanda izango da, eta urtarrilaren 12an Algortako San Nikolas plazan eta 14an Itzubaltzeta/Romoko Santa Eugenia plazan egingo dute sariketa.
MintzaPoza tonbolan parte hartzeko mintzagrama duen orria banatuko dute doan, eta, mintzagrama osatuta hitz sekretua osatzen denean, tonbolan parte hartzeko txartel bat eskuratuko du parte hartzaileak. Sariak gau bitarako Nekatur bonua, telazko poltsak, bolalumak, katiluak, termoak eta koadernoak izango dira.