Atseden zerbitzua eskatzeko epea zabalik, azaroaren 25era arte

Artxiboko irudia.

Atseden zerbitzua eskatu gura dutenek datorren azaroaren 25era arteko epea izango dute aurten hori egiteko. Aurrekoetan bezala, zerbitzuaren helburua da profesional adituen bitartez ziurtatzea zaintzen den pertsonari arreta egokia jasotzen duela zaintzailea etxetik kanpo dagoenean jarduera zehatzak egin ahal izateko.

2022an Atseden zerbitzua eskatu gura duten mendekotasuna duten edo hori izateko arriskuan dauden pertsonen senideek datorren azaroaren 25era arteko epea izango dute aurten hori egiteko. Aurreko urteetan bezala, zerbitzuaren helburua da profesional adituen bitartez ziurtatzea zaintzen den pertsonari arreta egokia jasotzen duela zaintzailea etxetik kanpo dagoenean jarduera zehatzak egin ahal izateko. Aldi berean, mendekotasun egoeran dagoen pertsonak etxean eta inguruan geratzea ahalbidetzen du ekimenak. Getxoko Udalak 60.000 euro onartu ditu zerbitzua eman ahal izateko.

Carmen Díaz Gizarte Kohesioko zinegotziak adierazi duenez, “Atseden zerbitzuak oso arina izan nahi du, berehalako erantzuna eskainiz. Arreta-sare naturala osatzen duten zaintzaileei lagundu nahi diegu, eta, horretarako, garrantzitsua da etxetik kanpo jarduerak egiteko denbora izatea. Gainera, langile profesional kualifikatuen bidez, zaintzailea bertan ez dagoen bitartean arreta egokia bermatzen dugu, mendetasun-egoeran dauden getxotarrak etxean eta inguruan egoten lagunduz. Era horretan, zaintzaileei atsedena erraztu eta eguneroko nekea arindu nahi zaie”.

Foru Aldundiak aitortutako mendekotasun-mailaren arabera eskainiko dira zerbitzuaren orduak, eta horiek datorren abenduaren 30era arte disfrutatu ahal izango dira, astelehenetik barikura, jai egunetan izan ezik, 08:00etatik 22:00etara. Atseden-tarteak, gutxienez, bi ordukoak izan beharko dira.

Zerbitzuaren eskaera egiteko horretarako dagoen inprimakia entregatu beharko da Gizarte Zerbitzuen bulegoetan edo HABetan (aurretik hitzordua eskatuta), edo Udalaren webgunean (www.getxo.eus ), datorren azaroaren 25era arte.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun