Uribitakora

Negu luze hau

Hemen duzue entzungai Jagoba Pereda Txopieta ALBEko bertsolariak urtarrileko HIRUKArako bidalitako argazkiari emandako erantzun ederra.

Doinua: Aita izena
 
Urtaro batek aurrekoari
hurrengorarte diotza,
batzutan luze egiten jaku,
bestetan labur ta motza.
Aukeratzerik ez da izaten,
ahal dan neurrian goza.
Irudi hauxe Euskal Herrian
ez dogu horren arrotza;
horrela izaten baita negua
zuri-zuri ta hotz-hotza.
 
Baina natura txarto jagon ta
lurra gaixotu aibala!
Coronavirus hau sortu dogu
ta ez da bape makala;
Jende artean kutsatzen gara
ta gainera bala-bala,
eskubideak zapaltzen dabiz
ahoan jarriz moxala...
Gaur bizi dogun negu luze hau
ez da bapere normala!
 
Gure artean pasaportea
eskatuz, a zer ganora!
Etxean bildu aurretik egin
behar antigeno froga,
umeak ere txerta daiguzan...
"pfizer" ta "moderna" gora!
Afrikaraino ez da iristen,
lehen han egiten zan proba...
Itxaropena ez daigun galdu,
Udabarria helduko da!
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun