Bizkaiko Foru Aldundiak eta Bilboko eta Getxoko udalek sustatutako lasterketa hori kirol, gizarte, turismo eta ekonomia ekitaldi dinamizatzaile bihurtzeko helburuaz sortu da, eta etorkizuneko kirol-ekitaldi aktiboa izango da, hiriburuen arteko oreka bermatuko du eta sektore hori Bilbon eta Bizkaian sustatuko du, bai alderdi herrikoian, bai profesionalean. Era berean, World Athletics Label Road Races proben artean nabarmenetakoa izan nahi du, eta finishers kopurua (lasterketa amaitzen duten korrikalariak) Europako erreferentziako beste maratoi batzuekaz berdindu gura du.
Ibilbidea Getxotik
Maratoiak Getxon egingo duen ibilbidea honako hau izango da:
- Joaneko ibilbidea: Eduardo Coste-Areetako etorbidea, Andrés Larrazabal (bidegorri), Arriluze kaia, Kirol Portua, Ereaga moila, Igeretxe eta Portu Zaharra.
- Itzulerako ibilbidea: Portu Zaharra, Igeretxe, Arriluze, Arriluze kaia (bidegorri), Areetako kaia (pasealekua), Tomás Olabarri moila, irteera Eduardo Costera Amaia parean eta Eduardo Costeren irteera udalerritik.
Trafiko-aldaketak
Getxon probak irauten duen bitartean, Eduardo Coste eta Areetako etorbideak itxita egongo dira, bi noranzkoetan. Beraz, itxita egongo dira Eduardo Costeren sarrera, itsasadarreko errepidetik, eta Pinuetako sarrera, Areetako noranzkoan, Zugazartetik. Andres Larrazabaletik irteteko, eskuinera biratu beharko da, Algortarako noranzkoan. Beharrezkoa denean, ibilgailuek perpendikularrean gurutzatu ahal izango dute, Eduardo Coste edo Areetako etorbidea.
Bizkaia Zubiak zerbitzua ematen jarraituko du, baina ibilgailuen sarbidea Maximo Agirreren biribilgunetik eta Gobelatik soilik izango da.
Lertegiko bidegurutzean, Algorta-Areeta noranzkoan, eskuinerako biraketa itxi egingo da Lertegi kalera sartzeko; beraz, ibilgailuek Pinuetako bidegurutzeraino jarraitu beharko dute, eta han Pinuetarako biratu beharko dute derrigorrean.
Arriluzeko kaian, lasterketa bidegorritik gertuen dagoen erreitik (joanekoan) eta bidegorritik (itzuleran) igaroko da, eskuineko erreia Portu Zaharrerako/Kirol Porturako norabidean geratuko da, Arriluzeko kaitik irten ezin diren ibilgailuen zirkulaziorako, Ereagako jaitsieratik atera beharko dira.
Igeretxeko biribilgunetik aurrera, lasterketa Portu Zaharreko irteerako erreitik igaroko da, eta joateko erreia ibilgailuak sartu eta irteteko geratuko da. Kasu horretan, beste bide bat emango zaie ibilgailuei.
Itzulerako ibilbidean, lasterketa La Olatik Igeretxeko biribilguneraino joango da, bidegorritik, Areetako kaitik, Txurrukako kaitik eta Tomas Olabarri kaletik jarraitzeko.
Probari buruzko informazio gehiago hemen: https://bilbaobizkaiamarathon.com/