Daborduko eska daitezke 2020ko etxebizitza alokatzeko 18 eta 35 urte bitarteko gazteentzako diru-laguntzak Getxon. Horretarako, 250.000 euro bideratuko ditu Udalak. Deialdi horren helburua da udalerriko gazteei emantzipatzen laguntzea, eta baita alokairu-erregimeneko etxebizitza eskuratzeko aukera sustatzea udalerriko gune guztietan.
Getxon erroldatuta dauden 18 eta 35 urte bitarteko gazteek jaso ahal izango dituzte laguntza horiek, baldin eta etxebizitzarik jabetzan ez badute. Eskaerak egiteko epea apirilaren 7ra arte egongo da zabalik, eta, horretan, 2020an sinatutako errentamendu-kontratua aurkeztu beharko da, 900 eurokoa gehienez. Eskatzaileek Getxoko etxebizitza horretan erroldatuta egon beharko dute, eta etxebizitzak bizigarritasun-lizentzia izan beharko du eta udal-erroldan alta emanda egon.
Eskatzaileek urtean ez dute izan behar 25.000 eurotik gorako diru-sarrera gordinik (titularra pertsona bat bada, edo ezkontza- edo izate-loturarik gabeko bat baino gehiago), edo 39.000 eurotik gorakorik (ezkontza-lotura edo izatezko lotura duten pertsonak badira).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
