Getxoko Kultur Etxeak Getxoarte Egoitza Bekaren hirugarren edizioa abiarazi du. Ekimen horrek arte garaikideko proiektuak sustatu gura ditu, tokiko kolektibo espezifikoakaz bitartekotza eginez, artea herritarrei hurbiltzeko eta sormen-prozesuetan inplikatzeko asmoz. Eskaerak bihartik, martxoaren 10etik, maiatzaren 9ra arte aurkeztu ahal izango dira.
Bekaren bidez, Getxoartek ikerketa eta ekoizpen artistikoa sustatu gura ditu, sortzaile berrien sustapenean lagundu eta tokiko beste artista, profesional eta kolektibo batzuekiko interakzioa erraztu. Interesdunek banaka edo taldeka jaso ahal izango dute beka, eta beharrezkoa da adinez nagusia izatea.
Deialdi horren oinarriak daborduko eskuragarri daude www.getxo.eus/getxoarte webgunean, eta, proiektuak jasotzeko fasearen ondoren, arte espezialistek eta Kultura Etxeak teknikariek osatutako epaimahai batek aukeratuko du proposamen irabazlea, 5.000 euro jasoko dituena.
Hautatutako proiektuak bost hilabeteko iraupena izango du, eta maiatzaren 16tik urriaren 16ra bitartean gauzatuko da Romoko Kultur Etxean. Lana abenduan izango den Getxoarteko Jardunaldi Artistikoetan erakutsiko da publikoari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
