Datorren eguaztenetik, hilak 16, aurrera, Ereagako igogailuaren zerbitzua eten egingo da, ateen sistema berritzeko lanak egiteko, eta gutxi gorabehera bi astez luzatuko dira. Ekipamendu hori modernizatzeko jarduketa da, egungo ate-sistemaren gorabeherak minimizatzeko, hori baita instalazioaren matxura gehienen arrazoia, udal-iturriek zehaztu dutenez.
Igogailua zaharra denez gero, berrikuntza integrala egingo dute, eta sistema modernoago eta eguneratuago bat jarriko dute gaur egun dagoenaren ordez, mekanismo horrek izan ditzakeen eraginak gutxitzeko, oso erabilia baita eta erabileren eta baldintza atmosferikoen eraginpean baitago. Horrenbestez, kabinako ateak eta bi geralekuetako ateak erabat berrituko dira (beheko eta goiko geltokiak).
Inbertsioak 48.270 euroko kostua izango du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!