Gehitu Kirolak udal-hitzarmenaren sinatzailea da Bizkerre, baina, onartu dutenez, euren artean euskararen erabilera sustatzeko egindako saiakerek ez dute espero zituzten emaitzak izan. Horri aurre egin guran, euskara batzordea osatu dute; horren lanak irailera arte iraungo du, eta egingarria eta eragingarria izan daitekeen plana egitea izango du helburu. Horren bitartez, besteak beste, entrenamendu eta partiduetan euskararen erabilera sustatu gura dute, "baina eraginkortasuna bilatzeko, Bizkerre bezalako futbol taldeek topa ditzaketen oztopoak aintzat hartu behar dira, horregatik eratu da batzordea atal desberdineko ordezkariekin", azaldu du taldeak.
Euren artean euskara sustatzeko batzordea osatu du Bizkerre futbol taldeak
Euskara batzordea atal desberdinetako ordezkariek osatuko dute: entrenatzaileen ordezkari bik, jokalarien beste bik eta zuzendaritza batzordearen beste bik. Horregaz batera, Udaleko euskara zerbitzuagaz elkarlanean diharduen Bizarra Lepoan elkarteko kidea ere arituko da horretan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun