Espainiako Espetxe Zuzendaritzak, Eusko Jaurlaritzagaz koordinatuta, zortzi presoren lekualdatze iragarri zituen atzo, eguaztenean, tartean Alvaro Arri algortarrarena. Arri Burgoseko espetxean dago gaur egun, eta oraindino ez dute zehaztu EAEko zein espetxera –Zaballa, Martutene edo Basauri– gerturatuko duten. Gainera, hirugarren gradua onartu diote.
Espainiar Estatuko kartzeletatik Euskal Herrikoetara gerturatuko dituzten bost presoak hauexek dira: Juan Luis Agirre Lete, Soriatik; Ivan Apaolaza, Logroñotik; Alvaro Arri, Burgosetik; Mikel Azurmendi, Kantabriako Duesotik; eta Txetxu Barrios, Zaragozako Zueratik.
Espetxe Zuzendaritzak onartu duenez, bost preso horietatik hiruk zigorraren hiru laurdenak beteak dituzte eta, ondorioz, baldintzapeko askatasuna dagokie; hala, horietatik guztietatik, Alvaro Arriri hirugarren gradua onartu diote.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!