Ertzaintzak herritarren laguntza eskatu du atzo, astelehenean, Getxoko Arrigunaga hondartzan aurkitu duten hilotza identifikatzeko. 50 eta 60 urte bitarteko emakume bat da, 1,65 metroko garaiera, arraza zuria, gaztaina-koloreko ile erdi uhin-kizkurtua eta kirol-zapatila zuriak zituen jantzita.
Eusko Jaurlaritzako Segurtasun Sailak jakinarazi duenez, emakumea paperik gabe zegoen eta, hasiera batean, ez zuen indarkeria zantzurik. Epailea bertaratu ondoren, gorpua Bilboko Auzitegiko Medikura eraman dute, autopsia egin diezaioten, heriotzaren arrazoiak ezagutzeko.
Herritarren batek zalantzak baditu inguruan aipatutako ezaugarriak dituen pertsonaren baten desagerpenari buruz, Ertzaintzak Getxoko ertzain-etxearekin harremanetan jartzeko eskatu du, 944 063 420 telefono-zenbakira deituta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
