Udako doako jarduerak 2011tik 2016ra bitartean jaiotako umeentzako izango dira, astelehenetik barikura, 10:30etik 13:30era arteko ordutegian. Ohi bezala, familia interesatuek online bidezko inprimakia bete beharko dute zehazteko zenbat astetan eraman gura duten umea eta nahiago den ordenan. Izen-emate baino plaza gehiago egotekotan, zozketa bat egingo dute, eta emaitza maiatzaren 23tik 27ra argitaratuko dute.
Bestalde, datorren ikasturtean Areetako plazan lekututako Ludotekaren txandak (17:00etatik 20:00etara) hurrengoak izango dira: 5 eta 6 urte bitartekoentzat astelehen, eguazten eta barikuetan; 7 eta 9 urte bitarteko umeentzat martitzen, eguen eta barikuetan. Zapatuak 10 eta 11 urtekoentzat izango dira.
Izen-ematea eta baldintzei eta tasei buruzko informazio gehiago udal webgunean topa daiteke.