Gizonezkoen senior taldeak garaipen erabakigarria lortzeko zorian egon zen atzo, baina partida ona egin arren, Belenos talde asturiarrak bere indarra erakutsi eta partida irabazi zuen 20-23. Orain, getxoztarrek Avilesen jokatu beharko dute itzuliko partida, Ohorezko Lehen Mailara igoko diren erabakitzeko.
Atzo, maiatzak 1, Fadurako errugbi zelaian jokatu zen partidura mila ikusletik gora bertaratu ziren etxeko taldea animatzera, eta Getxokoek ikustaldia emateko gogoakaz atera ziren hasieratik. Hala ere, Belenos talde asturiarrak defentsan tinko eutsi zuen lehen minututik.
Talde bisitariak partidu gogorra planteatu zuen, eta getxoztarrak tinko mantendu ziren eta partiduaren agintea beraiena izan zen, hala ere, asturiarrek etxekoen hutsegiteak baliatu zituzten eta azkenean garaipena bisitarientzako izan zen, hiru puntuko abantailagatik: 20-23. Avilesen, zazpi egun barru jokatuko den itzuliko partidua prestatzeari ekingo diote orain getxoztarrek, horretan erabakiko baita Ohorezko Lehen Mailara igotzeko pasea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
