Elkarrekin Podemosek eta EH Bilduko Getxoko taldeek kezka agertu dute udalerriko hondartzak "hormigoitzen" hasi direlako. Era berean, zalantzan jarri dute Arrigunagaren kasuan udal-baimena ote dagoen horretarako, baita beharrezkoa den azpiegitura horren handitzea ere. Hala, jakinarazi dute informazioa eskatuko dutela Udalean jakiteko ea benetan beharrezko baimenak dauden obra horretarako, "inguruko auzokide askoren kexak jaso dituena".
Arrigunagako txosna handitzeko porlana erabili izana deitoratu dute
Arrigunaga hondartzan, udaldirako txosnaren oinarria jartzeko porlana erabili izana deitoratu dute hainbat auzokidek, baita Getxoko EH Bildu eta Elkarrekin Podemos udal-taldeek ere. Urtez urte, hareatza horretako txosnaren instalazioa prestatzen da oinarri diskretu txiki batean, baina auzokideak harrituta agertu dira oraingoan plaka handitu egin delako, hondartzari lekua kenduz. Horren aurrean, erantzunak eskatu dizkiote udal-gobernuari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun