Maiatzaren 21ean

Euskara Aurrera ekimenaren manifestaziora joateko autobusa antolatu du Bizarra Lepoan elkarteak

Euskalgintzako hainbat eragilek babestu dute Euskara Aurreraren deialdia. © ARGIA

Euskararen gaur egungo egoeragaz arduratuta dauden euskalgintzako eta bestelako hainbat eragilek manifestazioa deitu dute Donostian, maiatzaren 21erako, 17:30ean. Ekimenaren aurkezpenean "euskaldunak zein Euskal Herriaren etorkizuna euskaraz imajinatzen duten herritar guztiak" parte hartzera deitu zituzten.

Maiatzaren 21ean, Donostiako Antiguoko tuneletik abiatuko den Euskara Aurrera mugimenduaren manifestazioari bere babesa eman diote euskalgintzako hainbat eragilek; besteak beste, Paul Bilbaok (Euskalgintzaren Kontseilua), Kike Amonarrizek (Euskaltzaleen Topagunea), Urko Aierbek eta Koldo Zaratek (Euskal Herrian Euskaraz), Lorea Agirrek (Jakin), Jon Abrilek (Elhuyar), Alex Aginagaldek (Pantailak Euskaraz), Rober Gutierrezek (Bai euskarari), Laida Begiristainek (Maizpide euskaldegia), Koldo Tellituk (Ikastolen Elkartea), Alizia Iribarrenek (AEK) eta Joan Mari Larrarteek (Elkar) sustatu dute mobilizazioa.

Getxoko Bizarra Lepoan elkarteak ere bat egin du ekimenagaz, eta autobusa antolatuko du egun horretan eskualdetik Donostiara joan gura duten herritar guztientzako. Telletxetik aterako dira 16:00etan, baina horretan joateko, 692 476 373 telefono-zenbakira deitu behar da izena emateko.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun