Uribitakora

Berangoko prozesioa (alegoriak)

Hemen duzue entzungai Daniel de Miguel Avecilla ALBEko bertsolariak maiatzeko HIRUKArako bidalitako argazkiari emandako erantzun ederra.

Doinua: Gurutze Santu Legazpikua
 
Prozesioak ekarri ditu
berriro Aste Santuak;
ibilbidea, Kalbarioa,
ta Pilatoren eskuak.
Ahaztu dira, dirudienez
kutsatzeko arriskuak,
Berangon ere ikusi ditut
andre-gizon elkartuak:
Alconzakoak dira kalean
defendatzen lanpostuak.
 
Judasek Jesus saldu ei zuen
hamahiru txanponen truke.
Orain Alconza, erruki gabe,
gurutzean jarri dute.
Gauza bat esan, bestea egin,
badute hainbat bertute!
zikina dena zuria dela
sinestarazi digute.
Fariseuak gure artean
daudela esango nuke.
 
Etorriko da gu salbatzera
Jaunaren Probidentzia?
Guk sinistea hori omen da
batzuen komenentzia.
Puntadun txano baten azpian
gorde dute dezentzia?
Berangon ere sumatu dugu
Erromaren esentzia.
Konfesatuta egin dezala 
nork bere penitentzia
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun