EAJko zerrendaburua alkate izendatu zuten 1979ko udal-hauteskundeetan. Horren ostean, 1983an, Eusko Jaurlaritzako Osasun eta Gizarte Segurantza sailburu eta, 1984 eta 1994 urteen artean, Euzko Abertzaleak taldeko legebiltzarkidea izan zen. Bere hileta-elizkizuna gaur, maiatzak 20, 19:00etan izango da Bariko San Nikolas parrokian, Algortan.
Politika munduan egindako ibilbideaz gain, Aguirre industria ingeniaritzan doktorea eta Ekonomia eta Informatika Zientzietan lizentziatua ere izan zen, eta Bilboko Industria Ingeniarien Goi Eskola Teknikoan eta Deustuko Unibertsitatean irakasle aritu zen. Horretaz gain, IBM, Univac eta Ericsson enpresetan zuzendaritza-karguak izan zituen. 1985ean, Indelec sortu berriaren lehen presidente izendatu zuten, eta Robotiker Fundazioko lehendakari ere izan zen lau urtez.
Amaia Agirre Getxoko alkateak eta bere EAJko alderdikideek doluminak adierazi dizkiete Aguirreren familia eta adiskideei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
