Udako jaietarako atzera-kontaketa hasi da. Hala, festok iragarriko dituzten kartelen bila hasi dira herri askotan. Besteak beste, Algortako jai-batzordeak abiatu du horretarako lehiaketa. Lanak ekainaren 20ra arte aurkez daitezke, algortakojaibatzordea@gmail.com helbidera bidalita. Oinarri guztiak, hemen.
Datorren ekainaren 20ra arte aurkeztu ahal izango dira aurtengo Algortako San Inazio jaiak iragartzeko kartel proposamenak, tokiko jai-batzordeak iragarri duenez. Udalerriko hiru artistak aukeratuko dituzte finalistak, eta, ohi denez, herritarrek horietatik gogokoena bozkatzeko aukera izango dute, ekainaren 24an, 18:00etatik 20:00etara, Algortako San Nikolas plazako frontoian.
Irabazleak 300 euro jasoko ditu, eta jaietako irudia izango da bere lana.
Oinarri guztiak, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!