Azken urte bietan 125 edukiontzi erre dituzte Getxon

Iaz erretako edukiontzietako bat, Algortako Kasune kalean. © BOMBEROS BIZKAIA

Getxoko Udalak jakinarazi duenez, ezezagunek 56 edukiontzi erre dituzte aurten, eta beste 69 iaz. Horren ondorioz, 265.000 euroko gastua eragin dute edukiontziok birjarri eta inguruko kalteak konpontzeko. Erreketa horien egileak bilatzeko ikerketa abiatu dute.

Aurtengo lehen lauhilekoan, ezezagunek 56 edukiontzi erre dituzte Getxon, gehienak Areeta-Romo inguruan, 33; Algorta eta Andra Mari auzoetan, aldiz, 18 erre dituzte, eta 5 Neguri aldean. Iaz, urte osoan, berriz, 69 kiskali zituzten: 31, Algorta-Andramarin; 21, Areeta-Romon; eta 17, Negurin.

Suntsiketa horiek guztiek 265.000 euroko gastua eragin dio Udalari, edukiontziok birjartzeko eta inguruak urbanizatzeko. Hala ere, udal-iturriek zehaztu dute zenbateko horri gehitu behar zaiola udal-ondasun higigarriei eta ibilgailu pribatuei eragindako kalteak, "oraindik ez baitakigu zein den zenbatekoa".

Erreketa horien egileak topatzeko polizia-ikerketa abiatu dutela iragarri du Getxoko Udalak.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun