2021eko udako kultur egitarauak

Beste urte batez, jaietarako diseinu-lehiaketa antolatu dute Itzubaltzeta/Romon

Itzubaltzeta/Romoko jai batzordea festei begira dago daborduko, eta urteroko diseinu lehiaketa antolatu dute. Horretan, festei irudia jarriko dieten hiru elementu sarituko dituzte: jai kamisetak alaituko dituen marrazkia, zapietan erreproduzitzeko logoa eta egitarauaren azalak izango den irudia. Hiru kategoria horietan lehiatzeko epemuga ekainaren 19a izango da –egun hori barne–, eta saria, berriz, 150na euro eta kamiseta eta zapi bana.

Lanak Itxaso liburu-dendan (Aurrezki Kutxa kalea 24) entregatuta zein erromokotxapelketak@gmail.com posta helbidera bidal daitezke, jai batzordeak zehaztutako oinarrien arabera. Gutxieneko kalitatea duten lanak herrian erakutsi ondoren, herri bozketa egingo dute, ekainaren 25ean.

Argibide gehiagorako: https://www.facebook.com/erromokojaiak.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun