Elkanoren 'Juanita Larando' patatxa ikusgai egongo da gaur eta bihar Algortan

Armintzako portua atzean utzita, eskualdeko kostaldea alderik alde egin eta Algortako Portu Zaharrean egin du eskala gaur Elkanoren Juanita Larando patatxaren erreplikak. Inguruko arraunlariak aritu dira lau orduko zeharkaldian.

Eguerdiko 13:30ak aldera heldu da Elkanoren Juanita Larando patatxa-ontziaren erreplika Algortako Portu Zaharrera, lau orduko zeharkaldi baten ondoren. Itsasontzia euskal kostalde osoa zeharkatzen ari da, eta hauxe da bere hirugarren geldialdia, atzean Ondarroa eta Armintza utzita. Bihar, barikuan, Barakaldorako bidea hartuko du.

Bitartean, informazio-erakusketa bat egongo da Portu Zaharrean (kai-muturrean eta hondartzaren aurrean). Zenbait barrika eta olanatan itsas kulturak euskal kostaldean izan duen pisua erakutsiko dute. Gune horretan proiektuari buruzko informazio gune bat eta merchandisingeko produktuen salmenta gune bat ere egongo dira.

Itsasontziak barikuan, 11:30ean, utziko du Getxo, eta Barakaldora joango da bere ibilbidea jarraituz. Ondoren, Bilbo, Portugalete eta Plentzia bisitatuko ditu, besteak beste.

Erlazionatuak

Elkanoren zirkumnabegazioaren 500. mendeurrena oroitzen ari dira egunotan Algortan

Getxo

Elkano Itsas Herria kultur proiektua euskal kostaldea zeharkatzen ari da Juanita Larando patatxa-ontziaren erreplikagaz; maiatzaren akabuan abiatu ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun