Udako Berbalagunak egitasmoan izena emateko epea zabalik, ekainaren 20ra arte

Aurtengo udan ere, euskaraz berba egiteko ohitura dutenak eta mintzapraktika egin gura duten pertsonak batzeko Berbalagunak programa jarriko dute martxan. Horretarako, interesa dutenek ekainaren 20ra arte eman dezakete izena, hemen. Oraingoan, gainera, hiru modutan parte har daiteke: berbalagun, bidelagun edo gurasolagun gisa.

Egitasmoetan parte hartuko dutenak astean behin bildu beharko dira euskaraz aritzeko, uztailaren 1etik 31ra eta irailaren 1etik 30era. Baina, zein modutan parte har daiteke?

Berbalaguna 

  • Zer da?
    • Euskaraz hitz egiteko ohitura dutenak eta mintzapraktika egin gura duten pertsonak biltzeko programa da.
  • Zertarako?
    • Euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko…

Bidelaguna

  • Zer da?
    • Berbalagun taldeetan bide-lagun figura duen pertsona da, jariotasunez hitz egiten duen laguntzailea (C1* maila duena). Berbalagun taldea eta egitasmoaren bultzatzaileen arteko zubia da.
  • Zertarako?
    • Euskaraz hitz egiteko beharra dutenak laguntzen dituzulako, euskal hiztunen kopurua handitzen duzulako, hitz egiteko gaitasunak hobetzen dituzulako, herriarekiko sare berriak sortzen laguntzen duzulako, euskal komunitatea handitzen duzulako, eragile aktibo bihurtzen zarelako...

Gurasolaguna

  • Zer da?
    • Ikastetxeko gurasoak biltzen dituen berbalagunaren aldaera da. Haurrak direla eta, euren ordutegi edo zaintza beharretara egokituta dago.
  • Zertarako?
    • Astean behin; ordubetez, talde txikitan. Paseoan, online, parkean, terrazan… Euskaraz hitz egiteko ohitura dutenak eta mintzapraktika egin gura dutenak elkartuta, gainontzeko mintzataldeakaz koordinatuta.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun