Artaza - Romo BHIko ikasleek margotutako horma-irudia aurkeztuko dute eguaztenean

Artaza-Romo BHIko 200 ikaslek baino gehiagok ikastetxeko patioko harmailetan margotutako horma-irudi berezi bat aurkeztuko dute eguaztenean, ekainaren 22an, 13:30ean. DBHko 1 eta 2 mailako eta Ikasle Egonkorreko neska-mutilek garatu dute lana, maiatzean zehar. Horretarako, Astelehena gurasoen elkartearen eta Visual Art Therapy kolektiboaren laguntza jaso dute.

Proiektua 2022rako Gizarte Kohesioko jardueren programaren barruan dago, eta ikasleen gurasoen Astelehena elkarteak sustatu eta finantzatu du. Haren familiek ere parte hartu zuten mural hori margotzen, elkarbizitzako jardunaldi batean.

Arduradunek azaldu dutenez, lan hori lankidetza-, integrazio- eta elkarrekiko errespetu-balioetan oinarritzen da. "Balio horiek ikasleek grinaz eta interesez egindako lanean islatzen dira, irakasleek lagunduta, betiere eskuragarri eta beren premia guztiei adi".

Gaiari dagokionez, ikasleak naturan oinarritu dira. Horrela, urratsez urrats, horma-irudi bat sortzeko prozesua zer den ikasi eta garatu ahal izan dute, aukeratutako gunea garbitzetik hasita, beharrezko material eta tresnak zeintzuk diren ikasi, diseinua antolatu eta proportzioa lantzeraino.

Emaitza: euskal lurraldetik igarotzen diren txori migratzaileak irudikatu dute.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun