Bizilagunak Mendira ekimeneko parte hartzaileak Nerbioi ur-jauzira joango dira uztailaren 10ean

Kulturak elkartu eta ospatzeko guneak sortzen dituen Bizilagunak Mendira ekimenak Urduñako Nerbioi ur-jauzira joateko txangoa antolatu du datorren uztailaren 10erako, domekan, 09:00etatik aurrera. Interesatuek izena eman dezakete daborduko.

Jardueraren helburua da pertsonen arteko eta euskal kultura eta udalerrian dauden kultur anitzen arteko zubiak eraikitzea, eta, horregatik, ohikoa denez, mendian ibiltzeaz gain, partaideek Euskal Herriko eta munduko hainbat lekutako ipuin eta kondairak partekatuko dituzte.

Bizilagunak proiektua Getxoko Udalaren, Getxoko Etorkinen Plataforma Federazioaren eta Egizu euskara elkartearen arteko lanaren fruitua da. Gainera Ibilki elkartearen laguntza duen irteera hau doakoa da, baina aurretik izena eman behar da  formulario hau betez, 622 433 085 edo 655 603 809 telefono zenbakietara deituta edota mezu baten bidez getxobizilagunak@gmail.com helbidera.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun