Getxoko Udalak hainbat jatorritako eta gaur egun udalerriko bizilagunak diren pertsonen lankidetza eskatu du inkesta bat betetzeko, immigrante eta errefuxiatuen harrerako lehen zeharkako planerako. Jasotako harrerari eta haren hobekuntza-proposamenei buruzko informazioa bildu gura du Udalak, "Getxori hiri kohesionatuago eta bere aniztasunekin inklusiboago izaten laguntzeko".
Inkesta egiteko epea datorren uztailaren 8an amaituko da eta hainbat hizkuntzatan (gaztelaniaz, euskaraz, arabieraz, frantsesez, ingelesez, errumanieraz, errusieraz eta ukraineraz) dago. Hori betetzeko behar den denbora ez da bost minututik gorakoa izango.
Inkesta: https://labur.eus/QKu03
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!