Uztailaren 22tik 24ra

Auzoko festak ere herritarrak dantzan jarriko ditu Areetako Santa Anan

Igel-toka lehiaketa egingo dute zapatuan.

Areetako Santa Ana auzoak festa-giroa berreskuratuko du uztailaren 22tik 24ra bitartean. Egun horietarako, tokiko jai-batzordeak adin guztientzako egitarau zabala antolatu du. Gaztetxoentzako aukerarik ez da faltako, puzgarriak eta jolasak izango baitituzte gozagai egunero. Gauean, berriz, parrandazaleentzako erromeria eta disko-festa egongo dira, barikuan eta zapatuan, hurrenez hurren.

Zintzurrak bustitzeko, bakoitzak gura duen edabeagaz, eta tripak betetzeko hainbat aukera ere egongo dira: barikuko sardina-jana eta zapatuko saiheski-janagaz. Horri helduta, auzotarren abilezia gastronomikoak proban jartzeko bi aukera ere egongo dira; nork egingo ote du tortillarik edota paellarik onena? Bada, galdera horri erantzuteko, festei heldu beharko zaie! 

Egitaraua

Uztailak 22, barikua

  • 17:00 Puzgarriak eta jolasak.
  • 19:00 Txupinaren jaurtiketa eta buruhandiak. 
  • 20:30 Sardina-jana.
  • 22:30 Erromeria.

Uztailak 23, zapatua

  • 11:00 Puzgarriak eta jolasak.
  • 13:00 Show.
  • 13:45 Tortilla-txapelketa.
  • 17:00 Puzgarriak eta jolasak.
  • 18:00 Igel-toka eta txapela-txapelketa.
  • 19:00 Magia erakustaldia.
  • 20:30 Saiheski-jana, Hermanos Urrutia harategiaren eskutik.
  • 22:30 Disko-festa.

Uztailak 24, domeka

  • 11:00 Futbol 3 Txapelketa.
  • 11:30 Puzgarriak eta jolasak.
  • 13:00 Paella-txapelketa.
  • 17:00 Ur guda.
  • 17:30 Apar-festa.
  • 18:30 Herri Kirolak, erakustaldia.
  • 19:30 Sarien banaketa.
  • 20:00 Karaokea.
  • 23:00 Zinema.
  • 23:59 2022. urteko jaien amaiera. 
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun