Estropada-eremu berria izango du Getxok Eusko Label eta Euskotren ligetako traineruentzat

Iker Rincon Moreno 2022ko uzt. 28a, 11:38
Deskargatu Info Ahotsak :
Español English Français Català Galego

Eguaztenean egin zuten aurkezpena, Getxon. © GETXOKO UDALA

Zapatuan, hilaren 30ean, Eusko Label eta Euskotren ligetako jardunaldi berria izango da Getxon. Udako hitzordu klasikoa da Getxoko estropada, baina, aurten, lekuz aldatuko dute: Portu Zaharreko uretan aritu beharrean, portu berriaren –kirol portuaren– inguruan lehiatuko dira traineruak.

Atzo goizean aurkeztu zituzte Getxoko Arraun Elkartearen egoitzan zapatuan 17:50etatik aurrera jokoan egongo diren bi banderak; Getxoko Estropaden XLIV. Ikurriña - J.A. Agirre Lehendakariaren XVIII. Omenaldia eta Getxoko XIV. Ikurrina - J.A. Agirre Lehendakariaren XVIII. Omenaldia. Ekitaldian izan ziren, Amaia Agirre Getxoko alkatea, Borja Rodrigo ACTko presidentea eta Melquiades Verduras Getxo Arraun Elkarteko presidentea.

Borja Rodrigok Getxok Eusko Label Ligako egutegian duen garrantzia azpimarratu zuen: "Aurten kirol berritasuna daukagu, estropadaren norabidea aldatzen dugula. Aurreko denboraldiekin alderatuta, portu berrira gehiago bideratu dugu".

Bestalde, Amaia Agirre alkatea pozik agertu da udalerriak "beste urte batez estropadez eta ikuskizun handi batez, gozatuko dugulako, eta ilusioz hartzen dugun ekitaldia da".

Kirolak Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun