Iturgaizen semearen aurkako irainak eta mehatxuak salatu dituzte Itzulbatzeta/Romoko jaietan

Mikel Iturgaiz Euskadiko Partidu Popularreko presidentearen, Carlos Iturgaizen, semea da. © TWITTER

PP alderdi politikoko iturriek azaldu dutenez, txosna-gunean zegoela, hamar bat gaztek inguratu eta bertatik alde egitera behartu zuten irain eta mehatxuen artean.

Mikel Iturgaiz, Carlos Iturgaizen semeak PPn afiliatuta egoteagatik erasoa jasan zuela azaldu zien Itzulbatzeta/Romoko txosna-gunearen inguruan zeuden Ertzaintzako agenteei, barikuko 06:00ak inguruan. Horretaz gain, Iturgaitzegaz zegoen emakume batek defendatzera joan zela eta aurpegian eskukada bat jaso zuela ere salatu zuen.

Gertaera horiengatik, arratsaldeko lehen orduan salaketa jarri zuten Ertzaintzan. Gaineratu dutenez, biktimak erasotzaileetako bat identifikatu ahal izan zuen, eta poliziak ikerketa abiatu du gertatutakoa argitzeko.

Getxoko PPko bozeramaileak, Eduardo Andradek, Getxoko Udaleko talde guztiei gertatutakoa gaitzesteko eskatu die sare sozialetan, eta, horregaz batera, Ertzaintzaren aurkako kartel batzuen irudiei ere erreferentzia ere egin die.

Halaber, Iñigo Urkullu lehendakariak, Josu Erkoreka Segurtasun sailburuak, Eneko Andueza PSE-EEko idazkari nagusiak eta Laura Garrido Euskadiko PPko idazkari nagusiak ere gaitzetsi dituzte gertakari horiek, eta elkartasuna adierazi diote Mikel Iturgaitzi.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun