Larri zauritutako gizona Gurutzetako ospitalera eraman dutela baieztatu du Ertzaintzak. Lekukoek azaldu dutenez, erasoaren ondorioz, odol putzu handi bat geratu da Algortako Telletxe plazako establezimendu baten atarian, metro-geltokiaren sarreraren ondoan. Ertzaintzak gertatutakoa argitzeko ikerketa abiarazi du, eta, momentuz, ez du gertatutakoaren inguruko xehetasun gehiagorik eman.
Algortako Telletxe plazaren inguruan jazo da erasoa gaur goizaldean, 05:30ak inguruan. Lekukoek HIRUKAri azaldu diotenez, borroka bat egon omen da eta gizon bat labankadaz zauritu dute; ostean, erasotzaileek Torrene kaletik ihes egin ei dute korrika.
Ertzaintzako agenteek Torrene kaleko BBK kutxazaina eta Telletxe plazako establezimendu bat zigilatu dituzte eta polizia zientifikoko agenteak probak egiten aritu dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!