Urriaren 10ean abiatuko du aurtengo ibilbidea Getxoko Irakurle Klubak

Irakurle Kluba Lizar Begoña idazle sopeloztarrak gidatuko du.

Lizar Begoña idazle sopeloztarrak gidatuta, bueltan dator Getxoko Irakurle Kluba –euskara errazean–. Daborduko datozen hiru saioak finkatu dituzte, eta lehenengoa urriaren 10ean, astelehenean, izango da, Villamonte kultur etxean, 19:30ean. Horretan, Oscar Wilderen Centervilleko mamua liburua aztertuko dute.

Irakurle Kluba hilean behin batuko da, astelehenetan, Algortako Villamonte kultur etxean. Bilera horietan, parte hartzaileek irakurritako liburuaren inguruko iritziak, hausnarketak eta ulertu gabeko kontuak partekatu ahal izango dituzte Lizar Begoñak gidatuta. Lehenengo hiru saioak hauexek izango dira:

  • Centervilleko mamua Oscar Wilde B1 - Urriak 10, astelehena, 19:30ean Villamonte K.E.
  • Bihotz handiegia Eider Rodriguez B2 - Azaroak 14, astelehena,19:30ean Villamonte K.E.
  • Beste norbaiten zapatak Garazi Kamio B1 - Abenduak 12, astelehena,19:30ean Villamonte K.E.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun