Aixerrota errotako jatetxearen ustiaketa lehiaketara atera du Getxoko Udalak

CC-by Zarateman.

Udalak lehiaketa-araubidean lizitatuko du Aixerrota errota udal-eraikinean dagoen jatetxearen ustiapenaren emakida. Tokiko Gobernu Batzarrak atzo, martitzen, goizean onartu zuen emakidarako espedientearen hasiera. Horrek 20 urteko iraupena izango du, eta beste bost urtez luzatu ahal izango da. Esleipendunak 5.012,23 euroko kanona ordaindu beharko du hilean (BEZik gabe), gutxienez, eta eskaintza ekonomikoaz gain, ostalaritzako esperientzia eta aintzatespen profesionala baloratuko dira.

Taberna-jatetxerako izango den guneak bi solairu ditu: erdisotoa, gutxi gorabeherako 408 metro koadrokoa, eta beheko solairua,  458 metro koadrokoa; lizitazio honen xedea ez da errotaren zatia (41,87 metro koadro). Izan ere, eremu horren erabilera Udalak kudeatuko du.

Eskaintzak 60 egun naturaleko epean aurkeztu beharko dira, Bizkaiko Lurralde Historikoko Aldizkari Ofizialean argitaratu eta hurrengo egunetik zenbatzen hasita. Eskaintzak bitarteko elektronikoen bidez egingo dira, "Lizitazio elektronikoko sistema" izeneko aplikazioaren bidez, Euskadiko Kontratazio Publikoa plataforman kokatua, lizitazio-iragarkian eta kontratatzailearen profilean adierazitako epean.

Beharrezko informazio guztia eskuragarri dago Getxoko Udalaren kontratatzailearen profilean eta Ondare eta Etxebizitza Sailean.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun