Mesedeetako jaiak

Udari agur esan eta udagoienari ondoetorria egiteko festak, Areetan

Barraskilo lehiaketa egingo dute domekan, besteak beste.

Mesedeetako Andra Mariaren jaiak ospatuko dituzte barikutik domekara bitartean, Areetan. Ohi den legez, askotariko jarduerak egongo dira denen gozatzeko.

Mesedeetako Andra Mariaren jaiek hankaz gora ipiniko dute Areeta aste-akabuan. Izan ere, hilaren 23tik 25era bitartean, auzokide denek kaleak hartuko dituzte bertoko jai-batzordeak antolatutako askotariko jarduerez gozatzeko. Hala, hiru egunez, adin denentzako hamaika ekitaldi izango dira aukeran. Ohi legez, Eskoletako plaza eta Adiskidetasun kalea izango dira festetako gune nagusiak, baita Bizkaia Zubia plaza ekitaldi baterako edo besterako ere.

Aurten, eraso sexistak ekiditeko asmoz, zapatuan metrora edota taxi geltokietara joateko lagun-taldeak jarriko dituzte martxan ordu betean behin, 00:00etatik 03:00etara. 

Egitaraua

Irailak 23, barikua

  • 13:00 Luntxa adinekoentzako.
  • 18:00 Ipuin kontaketa.
  • 18:00 Acuathloia - Bilbao Bizkaia 2022 Europa Triatloi Multikiroleko txapelketak.
  • 19:00 Txupinaren jaurtiketa eta pregoiaren irakurketa.
  • 19:30 Haurrentzako jolasak.
  • 21:00 Kontzertua: Cuban Band Havana 537.
  • 22:30 Kontzertua: Los Toldos.

Irailak 24, zapatua

  • 11:30 Puzgarriak.
  • 12:00 Fanfarria: Marching Band Getxo.
  • 13:00 Sardina jana.
  • 13:30 Herri Kirolen erakustaldia.
  • 17:00 Zumba solidarioa.
  • 17:00 Aurpegi margotzea.
  • 17:30 Puzgarriak.
  • 17:30 Mus Txapelketa.
  • 18:00 Arenas Club - Real Sociedad.
  • 19:30 Dantza-plaza: Berantzagi Dantza Taldea.
  • 21:00 Kontzertua: Delincuencia Senil.
  • 22:30 Areetako Sound Gaua: Galker.

Irailak 25, domeka

  • 10:00 Artisautza Azoka.
  • 10:30 Barraskilo lehiaketa gastronomikoaren izen-ematea.
  • 12:00 Oliver & Liuba magia ikuskizuna.
  • 12:30 Paella-jana.
  • 13:00 Herri-bazkaria.
  • 13:00 Barraskilo-kazolen aurkezpena.
  • 17:30 La Fabrik Zirku Erakusketa.
  • 17:30 Txokolate-jana.
  • 18:00 Barraskilo eta mus txapelketen sari banaketak.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun