ALBEk bertsolaritza eskolako taldeak osatzeko izen-ematea zabaldu du

ALBEko kideen familia-argazkia. © ALBE

Urrian hasiko diren heldu hasiberrientzako eta gazteentzako bertsolaritza klaseetan izena emateko epea zabaldu du Algortako Bertsolari Eskolak. Aldai Patronatuan martitzenetan elkartuko dira bertsolaritzan aritzeko; 12 eta 18 urte bitartekoen kasuan 18:00etatik 19:00etara edo 19:00etatik 20:00etara izango dira klaseak, aldiz, helduek 20:00etatik 22:00etara izango dute tartea.

ALBEk jakinarazi duenez, izena emateko interesa duten pertsona kopuruaren arabera, beste egun batean ere elkartzeko aukera egon daiteke.

Izena emateko edota informazio gehiago lortu gura dutenentzako 605 704 385 telefono-zenbakia eta albegetxo@gmail.com helbide elektronikoa ahalbidetu dituzte.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun