Bihartik, martitzenetik aurrera, Algortako Iturribarriko alokairuko babes sozialeko 91 etxebizitzen esleipendunakaz kontratuak formalizatuko ditu Getxoko Udalak. Aurreikusi dutenez, etxebizitza horietako giltzak azaroaren hasieran emango dituzte, eta kudeaketa guztiak Alokabide bidez egingo dituzte.
91 etxebizitzetatik lauk hiru logela dituzte eta mugikortasun urri iraunkorra duten pertsonentzat egokituta daude; gainerako 87 etxebizitzetatik 16k logela bat dute; 54k bi; 16k hiru logela eta batek lau.
"Etxebizitza horiek okupatzea beste urrats bat da udalerriko etxebizitza-politikan, eta aurrera egiten jarraituko du denbora gutxi barru Sarrikobason 68 etxebizitza eraikiz, Iturribarrin 58 eta Venanciosen 54, guztiak ere alokairu-erregimenean emango direnak", Udalak iragarri duenez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!