Haur Filosofia 4 urtetatik aurrerako ume, gazte zein helduei, pentsamendu gaitasunak garatzen eta eztabaida dialogiko argudiatuan eroso sentiarazten lagundu nahi dien proposamen filosofiko-pedagogikoa da. Hizkuntza dutenetik, umeak inguratzen diena pentsatzeko, arrazoitzeko eta adierazteko gaitasuna dute. Horri bidea ireki eta modu ludikoan garatzeko estrategiak landuko ditugu tailerrean; baita dauden materialak ezagutu ere. Jakinmin Praktika Filosofikoen Elkartea haurrentzako filosofia lantzen dabil azken urteotan Euskal Herrian, tailerren eta formakuntzen bitartez.
Getxoko Sendik ikastaro berezia antolatu du azaroaren 17rako eta 21erako, "Haur Filosofia: elkarrekin filosofatuz mundua birpentsatzen" izenekoa. Gurasoei, hezitzaileei eta hezkuntzan interesa duen ororentzako ekimena da, eta, edukiera mugatua izango denez gero, aldez aurretik izena ematea beharrezkoa izango da, hemen. Saioak Zabala eskolan izango dira, 17:30ean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun