Feminismoei buruzko kaleko dibulgazio-ekimen bat jarri du martxan Getxoko Udalak. Horretarako, totem bi jarri dituzte, euskaraz bata eta gaztelaniaz bestea, Algortako Telletxe plazan –ondoren, Romo eta Areeta arteko Ibaiondo kalean jarriko dute– feminismoaren egoeraren berri emateko, berdintasunean aurrera egiteko errealitatea eraldatzeko beharraz eta indarkeria matxistaren aurka borrokatzen jarraitzearen garrantziaz informatzeko, emakumeen arteko aliantzen garrantzia azpimarratzeko eta, aldi berean, hausnarketa-prozesu bat bultzatzeko, bizitza erdigunean jartzeko herritarrak antolatzearen eta inplikatzearen garrantziaz kontzientziatze aldera.
Kanpaina totema osatzen duten lau informazio-paneletan oinarritzen da, feminismoaren borrokari buruzko memoria-ariketa egiten laguntzen duten testu eta argazkiek osatuta. Aldi berean, emakumeen batasuna eta aniztasuna erakusten dute, munduko hainbat une eta lekutan. “Munduko kultura guztietan eta leku guztietan, historian zehar eta baita gaur egun ere, emakumeek egunero jasaten dituzten eta gure praktikei aurre egiten dieten diskriminazioa eta indarkeriak zalantzan jarri behar ditugu, horiek desagerrarazi ahal izateko. Eraldaketa-bide luzea dugu oraindik hezkuntzan, erakundeetan eta komunikabideetan, tratu ona eta erantzunkidetasuna etxe guztietan izatea lortzeko. Gaur inoiz baino gehiago, bizitza erdigunean jarri behar dugu. Emakumeen eta gizonen arteko berdintasuna defendatzen baduzu, inplikatu zaitez Getxoko mugimendu feministetan”, nabarmendu du Carmen Diaz Gizarte Kohesioko zinegotziak.
"Feminista al zara?" kanpaina 2022ko Partaidetza bidezko Aurrekontuetan aukeratutako proiektuetako bat da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
