Emeki proiektuak “Gutxiengo etnikoen sehaska kanta tradizionalak” lana aurkeztuko du Areetan

Zapatuan, azaroaren 26an, Areetako Andres Isasi Musika Eskolak "Gutxiengo etnikoen sehaska kanta tradizionalak" errezitaldia hartuko du, Emekik aurkeztuta, Basabi taldearen eta Andromachi Kouforgiorgou kantari greziarraren arteko lankidetza- proiektuak hain zuzen.

Basabi taldea sortu zen musika klasikoa eta txalaparta bere ohiko eremuetatik kanpo zabaltzeko helburuaz, irisgarritasun eta esperimentazioa komunean duten ikuskizunak garatuz. Basabi osatzen dutenak hauek dira: Iñigo Coto (biolina eta moldaketak), Marina Barredo (biola), Ricardo de Lucas (kontrabaxua eta Kappadozia- moldaketak), Ainara Moreno (harpa eta harmonioa), Txomin Dhers (txalaparta eta perkusioa) eta Sergio Lamuedra (txalaparta eta perkusioa).

Kontzerturako sarrerak egunean bertan erosi ahal izango dira, txarteldegian, 16:00etatik aurrera, 5 euroren truke.

Masterclass

Bestalde, martitzenean, hilak 29, aurreko urteetako ohiturari jarraiki, Musika Eskolako orkestrako ikasleek masterclassaz gozatu ahal izango dute Pedro Gandia Martín biolin jotzaileagaz, taldearen entseguagaz batera.

Pedro Gandia Passamezzo Anticoren partaidea, Propitia Syderako zuzendari artistikoa eta Musikeneko eta Salamancako Unibertsitateko Antzinako Musika Akademiako irakaslea da.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun