Ereagako igogailuaren erabilera doakoa izango da eguenetik aurrera

Abenduaren 1etik aurrera, Ereagako igogailua erabiltzeagatiko tarifa kenduko da, eta doakoa izango da erabiltzaile guztientzat. Horrela, Getxoko irisgarritasunerako udal-ekipamendu guztiak doan izango dira herritarrentzat.

Hala ere, Udalak jakinarazi du Ereagako igogailuan txartela baliatu beharko dela instalazioa erabili ahal izateko, erabilera- eta edukiera-kontrolari eusteko helburuaz. Instalazio horrek dituen zaintza- eta babes-langileak ere bertan egongo dira, sor daitezkeen zalantzak argitzeko. Orain arte eskainitako bide berberak baliatuz erabili ahal izango da txartela: Barik txartelaren bidez (zero kostuan) edo, bestela, txartelik ez badago, makina saltzaileetara joz, noizbehinkako txartel bat lortuz (zero kostuan hori ere).

Igogailu hori funtsezko elementua da udalerrian mugikortasun irisgarria sustatzeko, Ereagako itsasertza eta Algortako erdigunea lotuz. Udalerrian gehien erabiltzen den azpiegituretako bat da, batez beste urtean 300.000 bidaiarik baino gehiagok erabiltzen dute.

 

 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun