Getxoko Gabonetako argiak ordutegi murriztuagaz piztuko dituzte eguenetik aurrera

Gabonetako argiztapena Getxon. © GETXOKO UDALA

Abenduaren 1ean, eguena, 18:30ean, Andra Mariko Malakate plazan, Getxoko Gabonetako argien piztuera-ekitaldi ofiziala egingo du Udalak. Ekitaldi horretan Itxas Argia elkarteak parte hartuko du eta bertan izango dira Amaia Agirre alkatea, udal-ordezkari politikoak eta udalerriko merkatari eta ostalaritza elkarteetako ordezkariak, besteak beste.

Duela bost urtetik Udalak bere gain hartzen du argiztapen horren kudeaketa osoa, 284.913 euro, BEZ barne duen aurrekontuagaz. Eskura dauden baliabideak kontuan hartuz, komunitate-erabilerako udal-eremuak hobetzen ditu, hala nola udalerrirako sarrerak, plazak, parkeak, udal-eraikinetako fatxadak, kiroldegiak, baita udalerriko auzoetan jarduera ekonomiko gehien duten ardatzak eta zentroak ere, betiere helburu argi bat izanik: instalazio homogeneoa egitea, ordenatua, segurua eta indarrean dagoen araudiarekin bat datorrena.

Energia aurrezteko ezarritako jarraibideak kontuan hartuz, egunean ordu eta erdi murriztuko da argiztapenaren denbora, hau da, pizte-ordutegi osoaren % 25. Ordutegia, beraz, honako hau izango da: domekatik eguaztenera 07:00etatik 08:30era eta 18:00etatik 23:00etara (6,5 ordu); eguenetik zapatura 07:00etatik 08:30era eta 18:00etatik 24:00etara (7,5 ordu). Urtarrilaren 24, 31 eta 5ean 07:00etatik 08:30era eta 18:00etatik 02:00etara (9,5 ordu).

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun