Mintzanet egitasmoaren 10. urteurrena ospatuko dute zapatuan

Erredakzioa 2022ko aza. 29a, 13:02
Deskargatu Info Ahotsak :
es en fr

Bi urtez etenda egon ostean, aste-akabu honetan bueltan da Mintzanet Eguna. Gainera, egitasmoak 10 urte beteko ditu aurten, abenduaren 3an, Euskararen Nazioarteko Egunean, hain zuzen ere, horregatik, antolatzaileek iragarri dute festa berezia prestatzen ari direla zapaturako, 2019tik aurrez aurre ikusi barik egon diren erabiltzaileakaz Getxoko Romo Kultur Etxean berriro elkartzeko.

Mintzaneten helburua da euskaraz jarduteko aukera ez dutenek etxetik atera gabe praktikatzeko aukera izatea. Horregatik, bereziki azken bi urteotan egitasmoan parte hartu duten erabiltzaile guztiei egindako ahalegina eskertuko diete. Horretaz gain, zapatuan Mintzanet Sariak ere banatuko dituzte: Bidelari eta Bidelagun Onena eta Aipamen Bereziak.

Abenduaren 3an, zapatuan jarri dute hitzordua, Getxoko Romo Kultur Etxean, 12:00etatik aurrera. Bazkaria ere egingo dute 20-25 euroko prezioan, eta bertaratu gura dutenek esteka honetan eman beharko dute izena.

Euskara Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun