abenduaren 16tik urtarrilaren 5era

Gabonetako jaietan tabernen ordutegia zabalduko dute Getxon

Erredakzioa 2022ko abe. 9a, 11:53
Deskargatu Info Ahotsak :

Abenduaren 16tik, ostirala, eta urtarrilaren 5era arte, astelehena, Getxoko Udalak bi orduz luzatuko du udalerriko ostalaritza-establezimenduak ixteko ordutegia, Gabonetako jaiak direla-eta sektore horren jarduera ekonomikoari laguntzeko.

Hala, itxiera-ordutegia honako hau izango da:

  • Barikuetan (abenduak 16, 23 eta 30), larunbatetan (abenduak 17, 24 eta 31) eta jai-bezperetan (urtarrilak 5) 1. taldeko lokalak (dastalekuak, txurro-dendak...) 02:30ak arte; 2. taldekoak (kafetegiak, tabernak …) 04:30ak arte; eta 3. taldekoak (pubak, klubak…) 06:00ak arte.
  • Aldi horretako gainerako egunetan, 1. taldekoak 01:00ak arte; 2. taldekoak 03: 00ak arte; eta 3. taldekoak 04: 30ak arte.
Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun