Desfilearen lehenengo zatia Andra Mariko Kiroldegian hasiko da, 17:30ean, eta auzo hori zeharkatuko du. Horren ondoren, Algortara pasatuko da, Maidagan kalean, Aingeruko etorbidean eta Telletxe eta Maria Andresena kaleetan zehar, Kasinoaren aurrean amaitzeko. Lehenengo ibilbide hori amaitu eta gero, Erregeak Muxikebarri Antzokira joango dira txikienakaz aritzeko.
19:30ak aldera, desfilearen bigarren zatia hasiko da, Areeta eta Itzubaltzeta/Romon barrena. Aurten, ohiko ibilbidea aldatu egingo da, Areetako Xake plazan dauden lanak direla eta: Gobelaurre (Romo ikastetxea) – Gorbea mendia - Kresaltzu - Ezequiel Aguirre - Las Mercedes – Areetako etorbidea – Zugazarte etorbidea. Ibilbidea bukatu ondoren, Romo Kultur Etxera joango dira Erregeak haurrei harrera egiteko.
Aurten, zortzi karroza egongo dira desfilean: Errege Magoak, Belengo estalpea, Patrulla Canina, Bob Esponja, Pocoyo eta oparien karroza.