Irantzu Uriarte Turismo zinegotziak, Ion Gorka Elgezabal Jata Ondoko presidenteagaz batera, “Bizkaiko Flysch” proiektua aurkeztuko du: 2023rako esperientzien eta planen baliabidea eta eskaintza. Era berean, Uriartek “Getxo, egunero plan bat” proiektuaren berri ere emango du, hain zuzen, udalerrian 2023an gozatu ahal izango diren esperientzien eta planen eskaintza, 86 plan publiko eta gustu guztientzat (11.000 hitzordu baino gehiago).
Irantzu Uriartek gogoratu du Getxo produktu anitzeko helmuga dela. “Plan alternatiboak eskaintzen dizkiegu baliabide ezagunenei, eta horietako gehienek ez dute gutxieneko talderik sortu behar horietaz gozatzeko. Sektorearekin batera lan egiten dugu turistek urte osoan bisita gaitzaten lortzeko, ez bakarrik udan. Bisitatzen gaituztenek Getxon egonaldia luzatzea nahi dugu, eta sektoreko erakundeek (41 enpresa eta ostalaritzako 224 establezimendu eta gourmet dendak) inpaktu ekonomiko handiagoa lortu ahal izatea".