Bihar, eguaztenean, Itzubaltzeta/Romoko Errekagane eta Kresaltzu kaleen arteko Aurrezki Kutxa kalea berrurbanizatzeko lanak abiatuko dituzte. Getxoko Udalak jakinarazi duenez, jarduketaren helburua da zati hori oinezkoentzat egitea, Romo Kultur Etxearen ekipamenduaren aurrealdea berriz urbanizatzeko lanak burutuz. Horren ondoren, Errekaganek lineako aparkalekuak izango ditu Ezequiel Aguirre eta Aurrezki Kutxa kaleen arteko zatian.
Lan horiek direla eta, Errekagane kaletik baimendutako ibilgailuentzako sarbide-kontrol bat egongo da, ordu-tarteka, sarbidea kontrolatzeko kamera baten eta oztopo-zutoin mugikor baten bidez. Era berean, Errekaganeko aparkalekua mugatuko da Aurrezki Kutxaren eta Ezequiel Aguirreren artean, obra-pilaketetarako eta obra-eremurako.
Bihartik, eguaztenetik, aurrera eta 10 astez, Aurrezki Kutxa kaleko trafikoa mantentzeko ahalegina egingo dute, baina mozketa puntualak edo lan-denbora jakin baterako mozketak egin ahal izango direla ohartarazi dute, obren aurrerapenaren ondorioz. Kasu horretan, zirkulazioa bideratzeko seinaleak jarriko dituzte Ezequiel Aguirren. Atarietarako sarbideak behar bezala mugatuko dituzte eremu horretan.
Seinaleei arreta jartzea eta ezarritako ibilbideetatik ibiltzea eskatu dute udal-arduradunek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
