Eraikina Arenazpi kalearen ondoan eraikiko dute, eta beheko solairua gehi sestra gaineko beste bost solairuko bloke bat izango da, eta sestra azpiko bi soto izango dituena garajeetarako. Beheko solairuan atari bakarra, zortzi etxebizitza eta garajera sartzeko eskailera egongo dira. Goiko solairuek bizitegi-erabilera izango dute, eta 10 etxebizitza izango ditu solairu bakoitzeko. 58 etxebizitzetatik 43 bi logelakoak izango dira, hiru egokitutako bi logelakoak eta 12 hiru logelakoak. Gainera, 58 garaje egongo dira, etxebizitza bakoitzeko bana.
Etxebizitzen azalera erabilgarria 49 eta 83 metro koadro artekoa da (gehienak terrazagaz), eta partzelak zuhaizti-berdegune zabala izango du. Gainera, eraikinaren eraginkortasun energetikoaren kalifikazioa A izango da. Ur bero sanitarioa termo elektriko indibidualetan sortuko da, eta berokuntza-sistema indibiduala izango da, erradiadore elektrikoen bidez. Horretarako, eguzki-energia fotovoltaikoko sistema bat diseinatuko da, autokontsumorako energia elektrikoa sortzeko eta soberakinak sarera isurtzeko.
Gaur egun, Sarrikobason babes ofizialeko 68 etxebizitza eraikitzeko obrak ere egiten ari dira, eta joan den hilean Venanciosen aurreikusitako 54 etxebizitzetarako obra-lizentzia eman zuten, guztiak ere alokairu orokorreko erregimenean.